Transcription
1
Monsieur, je viens présentement de recevoir ung pacquet de monsieur le
2
conte de Tende, par lequel il me donne advis de l’arrivée de huict
3
galères au port de Saint-Lazare près Thoulon, sur lesquelles est le duc
4
de Sesse, qui s’en va devers le sieur Don Johan d’Austrie pour estre son lieutenant
5
general ; et pour ce que j’ay trouvé dans ledit pacquet la lettre cy enclose qui
6
s’adresse à vous, laquelle ledit sieur conte me prie de vous faire tenir
7
le plustost que je pourray, je n’ay voulu faillir de ce faire par voye de la
8
poste, afin que la receviez plus promptement ; et de tant que je ne doubte poinct
9
que ne trouviez là-dedans toutes les particularitez des advis qu’il me donne,
10
je ne vous en feray plus longue lettre, estimant que d’ailleurs vous estes adverti
11
de la defaicte de Janlis et de ceulx qu’il mennoit avec luy pour entrer dedans
12
Montz en Heynault, selon ce que m’en est escript de Paris par lettres du XXIIe du
13
passé et confirmé de Lyon pour chose certaine par lettres du XXXe ; qui est tout
14
ce que je vous puis dire pour ceste heure, après avoir prié Dieu qu’il vous
15
doinct,
16
Monsieur, en bonne santé, heureuse et longue vie, me recommandant
17
très affectueusement à votre bonne grace. D’Avignon, le IIe d’aoust 1572.
18
Votre plus affectioné à vous aymer,
19
honorer et servir.
20
G. card[inal] d’Ar[magn]ac
21
Monsieur, je ne veulx oblier vous acccuser la réception de la votre du XXVIIe que je
22
receuz le dernier du passé et vous remercier des advis que me doniez, dont je vous
23
prie vouloir continuer.